პოეზია

პოლ ოსტერი

თარგმანი: ს.კ.

პრიზმა

დედამიწის დრო, ქვები

მოძრაობენ

მტვერმოდებულ ხვრელებში, ნაყოფიერი ჰაერი

იხვეწება სახლიდან შორს, ეკლებიანი

გზები და მავთულები

ახლა წაშლილია. ამოხველებული

მომატებული ცხელებისგან ჩვენს ფილტვებში,

ვიდრე ისინი ბროლის ყვავილებით დაიფარებიან. ჩვენ,

ამდენჯერ გატეხილი

ალისფერი ცინაბარსუნთქვით,

ვეღარასდროს ვეღარ ვიცნობთ ერთმანეთს.

როგორც შუქი

გადმოდის სინათლის ზოლებიდან,

ზოგჯერ რასაც სიკვდილი ვუწოდეთ

ჩვენც. ისევე. ავვალდებით

ამგვარი

ჩაუქრობელი ალით,

როგორც ის შუქი.

შიგნითა ხედი

შემოხვეული ხორცი

სრულად სხვისი და ერთის.

და ყველაფერი რაც შიგნით ჩანს, ბოლოა, რაც

შეიძლება ითქვას: სიტყვის ხმა,

დაკავშირებული სიკვდილთან, და სიცოცხლე,

რომელიც ჩემი უნარია,

სამალავი.

 

დაბურული ფანჯრები. Მტვერი –

ჩემი აქამდელი თავის, აცარიელებს ოთახს,

რომელსაც არ ვავსებ. სინათლეში,

რომელიც ოთახის კუთხეს ეფინება,

და მთელი ოთახი ცდილობს, ამ კუთხეში

მოგროვდე.

 

ღამე მეორდება. ხმა, რომელიც მელაპარაკება,

მხოლოდ უმნიშვნელო რაღაცებზე მიყვება.

რაღაცებზეც კი არა – მხოლოდ მათ სახელებზე.

და სადაც სახელები არ არის –

ქვებზე, პირუტყვების ხმებზე,

რომლებიც შუადღის სოფლისკენ

მიემართებიან, ჭიაზე,

რომელიც თავისივე

ნეხვით იკვებება. და იისფერი პეპლების

შემოსევაზე.

 

სიტყვების ამ შეუძლებლობაში,

გამოუთქმელ სიტყვაში,

რომელსაც სუნთქვა აჩერებს,

ჩემს ახალ თავს ვპოულობ.

მერიდიანი

მთელი ზაფხულის,

დახრილ მკვეთრ შუქში

ჩვენი ბნელი, გაშლილი ხელებიდან: შენი ქვები,

იფშვნებიან შენს გარშემო

გასაცოცხლებლად

ჩემი თხელი შავი თვალის უკან

ძველი ვარსკვლავი,

ეკალსამეფოსგან შეშინებული

შენ გიყურებს

ყოველ დილით და შენს ჩრდილებს

სახელებს არქმევს.

როგორც ღამე ჟღერს. ღრმად ამოთხრილი

სიახლოვიდან.

Widget is loading comments...
ასევე იხილეთ
ლუიზა გლუქი – დამხრჩვალი ბავშვები; მესინჯერები
თარგმანი, პოეზია
ლუიზა გლუქი – დამხრჩვალი ბავშვები; მესინჯერები
ბერნადეტ მაიერი
თარგმანი, პოეზია
ბერნადეტ მაიერი
ივა თადიაშვილი – “გინახავს სადმე ცოცხალი ინდიელი?”
პოეზია
ივა თადიაშვილი – “გინახავს სადმე ცოცხალი ინდიელი?”
saturnlyrik, 2024
თარგმანი, პოეზია
saturnlyrik, 2024
ანტონენ არტო – რათა დასრულდეს ღმერთის სამსჯავრო
თარგმანი, პოეზია, სხვადასხვა
ანტონენ არტო – რათა დასრულდეს ღმერთის სამსჯავრო
ვისენტე უიდობრო – ალტაზორი ანუ მოგზაურობა პარაშუტით
თარგმანი, პოეზია
ვისენტე უიდობრო – ალტაზორი ანუ მოგზაურობა პარაშუტით
რობერტო ბოლანო – ლექსები
თარგმანი, პოეზია
რობერტო ბოლანო – ლექსები
გვანცა ბახუტაშვილი – ლოცვები და შელოცვები
პოეზია
გვანცა ბახუტაშვილი – ლოცვები და შელოცვები
ფილიპ ლამანტია – გახილულება
თარგმანი, პოეზია, სხვადასხვა
ფილიპ ლამანტია – გახილულება
169