კიმ კიონ ჯუ
(კორეულიდან თარგმნა თეონა კომახიძემ)
მეტის ნახვა...
უცხო
(კრებულიდან “მე ვარ სეზონი, რომელიც არ არსებობს სამყაროში”)
იგი ხელების გარეშე დაიბადა
მაგრამ მხატვარი იყო და
მხოლოდ ქარს ხატავდა.
ფუნჯი პირით ეჭირა
და ხატავდა ქარებს,
რომლებსაც არავინ იცნობდა.
ხალხი არ აღიარებდა იმ ფორმებს,
რომლებიც მას ქაღალდზე გადმოჰქონდა.
მაგრამ მისი ფუნჯი
ბავშვის ნაზი სუნთქვით სუნთქავდა
ის უნდა გაფრენილიყო შორს, ძალიან შორს
და უკან დაბრუნებულიყო.
თუ მისი ნახატი არ ცოცხლდებოდა
იგი კლდეებზე ადიოდა და დაღებული პირით
თვეობით რჩებოდა იქ
ასე ცდილობდა ეპოვა ფერი,
რომელიც ჯერ არავის უპოვია
შემდეგ კი თვალების შავ ვულკანში ისროდა მათ
და ხატავდა თავის ხელებს
რომლებიც საშვილოსნოში დატოვა
Widget is loading comments...
ასევე იხილეთ
262