პოეზია

სილვია პლათი

წიგნიდან “სამი ქალი”

თარგმანი: ს.კ.

მეორე ხმა

ეს ავადობა, რაც შინ დამაქვს, ეს სიკვდილი.
კვლავ, ეს სიკვდილი. ჰაერშია
განადგურების ნაწილაკები, რომელთაც ხარბად ვისუნთქავ? ვარ პულსი,
რომელიც იკლებს და იკლებს, ყინულის ანგელოზის პირისპირ?
ან ეს არის ჩემი საყვარელი? ეს სიკვდილი, ეს სიკვდილი?
უკვე ბავშვს, როცა მისი დაწყევლილი სახელი მიყვარდა.
რაც ჩავიდინე, არის ძველი დაკარგული სიყვარული სიკვდილის?

 

პირველი ხმა

მასთან ვსაუბრობ, მხოლოდ საკუთარ თავთან, განზე მდგომთან –
ფერმკრთალი და დეტალური, გაწმენდილი, განწმენდილი.
ლოდინი მაწვება თვალებზე. როგორც ძილი,
მსგავსი დიდი ზღვის. შორიდან, შორიდან ვგრძნობ მის პირველ ტალღას
როგორ მაგებებს ტანჯვის ტვირთით, აურიდებლად, განმეორებით.
და მე, ჭურვი, ექო ამ თეთრ სანაპიროზე
ვუმზერ ხმებს, რომლებიც მძლევენ, საშინელ ნაწილს.

 

პირველი ხმა

როდემდე შევძლებ ვიყო კედელი ჩემი მწვანე სამფლობელოსთვის?
როდემდე შეძლებენ ჩემი ხელები
შეახვიონ მისი ჭრილობა, და ჩემი სიტყვები
მხიარული ჩიტები ცაში, ნუგეშს, მის ნუგეშს?
აუტანელია
იყო ასე ღია: როგორც იქნებოდა, როცა ჩემი გული
სახეს მოირგებდა ამ სამყაროში სახეტიალოდ.

 

მესამე ხმა

გედები გაქრნენ. მაგრამ მდინარემ
ისევ იცის მათ სითეთრეზე.
მის სინათლეს მათკენ მიმართავს.
მის ფორმებს ღრუბელში სახავს.
ვინ არის, ვინც ასე ტირის
სხვა ასეთი ბზარით ხმაში?
ახალგაზრდა ვარ, როგორც ყოველთვის, ის ამბობს. რა არის, რაც მაკლია?

Widget is loading comments...
ასევე იხილეთ
ლუიზა გლუქი – დამხრჩვალი ბავშვები; მესინჯერები
თარგმანი, პოეზია
ლუიზა გლუქი – დამხრჩვალი ბავშვები; მესინჯერები
ბერნადეტ მაიერი
თარგმანი, პოეზია
ბერნადეტ მაიერი
ივა თადიაშვილი – “გინახავს სადმე ცოცხალი ინდიელი?”
პოეზია
ივა თადიაშვილი – “გინახავს სადმე ცოცხალი ინდიელი?”
saturnlyrik, 2024
თარგმანი, პოეზია
saturnlyrik, 2024
ანტონენ არტო – რათა დასრულდეს ღმერთის სამსჯავრო
თარგმანი, პოეზია, სხვადასხვა
ანტონენ არტო – რათა დასრულდეს ღმერთის სამსჯავრო
ვისენტე უიდობრო – ალტაზორი ანუ მოგზაურობა პარაშუტით
თარგმანი, პოეზია
ვისენტე უიდობრო – ალტაზორი ანუ მოგზაურობა პარაშუტით
რობერტო ბოლანო – ლექსები
თარგმანი, პოეზია
რობერტო ბოლანო – ლექსები
გვანცა ბახუტაშვილი – ლოცვები და შელოცვები
პოეზია
გვანცა ბახუტაშვილი – ლოცვები და შელოცვები
ფილიპ ლამანტია – გახილულება
თარგმანი, პოეზია, სხვადასხვა
ფილიპ ლამანტია – გახილულება
77